Manuel Gago na reunión do club de lectura

Onte, xoves 31 de marzo, contamos coa presenza de Manuel Gago na nosa reunión mensual do club de lectura.

Comentamos o seu libro, escrito con Xurxo Ayán, Herdeiros pola forza

“En Herdeiros pola Forza, Ayán e Gago avogan por transformar un modelo enquistado e esclerotizado de xestión do noso patrimonio cultural, devolvendo ás sociedades a relación coa súa propia memoria, e recuperando o sentido da nosa enorme herdanza e da nosa memoria.”

Manuel Gago é xornalista cultural e profesor da Universidade de Santiago de Compostela. Está especializado en deseño e desenvolvemento de medios dixitais e en comunicación multimedia sobre patrimonio cultural, gastronomía e ciencia.

Recoméndovos entrar no seu blog! Aprenderemos moito sobre o noso pasado e presente.

É autor tamén de Vento e chuvia

Vento e Chuvia introduce ao lector no fascinante mundo da Idade do Ferro. Dez prodixiosos deuses que poboaron os mitos da antiga Gallaecia cobran vida nun universo con alicerces nos últimos descubrimentos da arqueoloxía e das ciencias do pasado pero sobre o que voa ceibe a imaxinación e a fantasía, enchendo con soños os ocos baleiros da ciencia.