Comeza o LOA!

O próximo xoves 20 de xaneiro botará a andar o LOA (Leliadoura Obradoiro Audiovisual), organizado pola Biblioteca do IES Leliadoura e o grupo Rodaxe.

As actividades darán comezo cunha reunión de presentación na Biblioteca do IES Leliadoura convocada para as 11:30, durante o recreo do instituto.

Nesa reunión explicarase o funcionamento xeral do obradoiro, a forma de organizarse, algunhas das actividades que se levarán a cabo, os recursos que se empregarán. Ademáis a reunión servirá tamén para que todas as persoas interesadas, tanto alumnado como profesorado, nos poidamos coñecer.

Xa o sabes, se estás interesad@ preséntate o próximo xoves na Biblioteca. Anima tamén aos teus compañeiros e compañeiras.

Para facilitar as futuras comunicacións podes ir enchendo o sinxelo formulario de inscrición.

Para resolver calquera dúbida ou consulta diríxete ao profesor que coodina o proxecto: Óscar Núñez Aguado (aguado@edu.xunta.es)

ou deixa un comentario neste blog.

Queres facer unha curta?

Para os amantes do cinema e o mundo audiovisual, a Biblioteca do IES Leliadoura en colaboración co grupo Rodaxe Obradoiro Audiovisual organiza a seguinte charla impartida por membros da Asociación Película Invertida:

“Iniciación á realización de curtametraxes“

Lugar: Biblioteca do IES Leliadoura

Data e hora: mércores 24 de 4 a 6:30

Contido: Na charla farase un percorrido polas etapas do proceso audiovisual orientadas a crear unha curtametraxe (preprodución, rodaxe e postprodución), e incluirá proxección de distintos materiais, anécdotas e tempo para preguntas.

Dirixido a: principalmente a rapaces e rapazas de 4º da ESO e 1º de BAC, coa pretensión de meterlles o gusanillo no corpo para formar un equipo audiovisual durante o curso 2010-2011 e realizar así os seus propios traballos. A charla tamén estará aberta ao profesorado e a outro alumnado previa confirmación e mentres non se complete o aforo.

Máis información: escribindo a biblioteca@leliadoura.com.es ou deixando un comentario a continuación.

Nota: Para preparar mellor os contidos da charla podes deixarnos un comentario con calquera dúbida que teñas ou con propostas de temas que che interese tratar.

Sintel

“Sintel” é unha curtametraxe de produción independente, iniciado pola Fundación Blender como un medio de mellorar e validar o programa libre e de código aberto Blender. Cun financiamento inicial acadado grazas a máis de 1000s de doazóns da comunidade a través de Internet, o que demostra unha vez máis ser un modelo viable de desenvolvemento tanto para a tecnoloxía 3D aberta como para o cinema de animación independente.

Este filme de 15 minutos foi realizado no estudo de Blender Institute de Ámsterdam, por un equipo internacional de artistas e desenvolvedores. Alén diso, acadáronse varias metas cruciais, tanto técnicas como creativas, realizados en liña, por desenvolvedores e artistas e equipos de todo o mundo.

www.sintel.org

Blender é o software de creación de contidos 3D libre e de código aberto, dispoñible para a maioría de sistemas operativos baixo a licenza GNU (General Public License).

MÁIS RECOMENDACIÓNS CINEMATOGRÁFICAS

EL SECRETO DE SUS OJOS Dirección: Juan José Campanella 2009

Reparto: Ricardo Darín, Soledad Villamil, Guillermo Francella, Pablo Rago

Sinopsis: Benjamín Espósito, secretario dun Xulgado de Instrución da Cidade de Bos Aires, está a piques de retirarse e decide escribir unha novela baseada nun caso que o conmoveu trinta anos antes, do cal foi testemuña e protagonista. A súa obsesión co brutal asasinato ocorrido en 1975 lévao a revivir aqueles anos, traendo ao presente non só a violencia do crime e do seu perpetrador, senón tamén unha profunda historia de amor coa súa compañeira de traballo, a quen desexou e amado fervorosamente e en silencio durante anos. A novela que escribe Espósito fainos percorrer os anos 70, cando en Arxentina se vivían épocas turbulentas, o aire estaba enrarecido e nada era necesariamente o que parecía ser.

BOYS DON’T CRY    Dirección: Kimberly Peirce 1999

Reparto: Hilary Swank, Chloë Sevigny, Peter Sarsgaard, Brendan Sexton III

Sinopsis: Baseada nun feito real, a película relata a vida dunha persoa cunha crise de identidade sexual. Chámase Teena Brandon e ten corpo de muller, pero sente e aparenta ser un home. Cando se descobre a súa situación, a discriminación e a intolerancia desencadeará a traxedia.

THE READER (EL LECTOR) Dirección: Stephen Daldry   2008

Reparto: Kate Winslet, David Kross, Ralph Fiennes, Bruno Ganz, Lena Olin

Sinopsis: Cando cae enfermo no seu camiño a casa desde o colexio, Michael Berg, un mozo de 15 anos, é rescatado por Hanna Schmitz, unha muller que lle dobra a idade. Ambos comezan un apaixonado e secreto idilio, ata que Hanna desaparece un día misteriosamente deixando a Michael confuso e desconsolado. Oito anos máis tarde, sendo estudante de Dereito, Michael asiches como observador a un tribunal onde se está xulgando a colaboradores da Alemaña Nazi, e queda atónito ao atoparse de novo coa súa antiga amante, esta vez, como acusada. A medida que se vai revelando o pasado da muller, Michael descobre un profundo segredo que terá un gran impacto na vida de ambos.

KUNG FU PANDA Dirección: Mark Osborne & John Stevenson    2008

Animación

Sinopsis: O oso panda Po é o animal máis perezoso que habita o Val da Paz. Uns poderosos inimigos reuníronse na entrada do val, e a única esperanza é unha antiga profecía que predicir a aparición dun heroe que salvará a situación. Pero ningún dos mestres de artes marciais que se presentaron levan a marca do Escolleito… ata agora. Cando Po aparece involuntariamente no medio da competición, todos quedan asombrados ao ver que un panda tan pouco motivado leva a marca. Dependerá deles converter a este tenro xigante nun loitador de kung-fu antes de que sexa demasiado tarde.

FAMILIA           Dirección: Fernando León de Aranoa 1996

Reparto: Juan Luis Galiardo, Amparo Muñoz, Ágata Lys, Elena Anaya, Chete Lera

Sinopsis: Santiago espértase como todas as mañás, baixa á cociña e toda a súa familia está esperándolle para felicitarlle: é o seu aniversario. Todos cántanlle o feliz aniversario e abre os agasallos, pero ao abrir o do seu fillo pequeno, enfádase e di que non lle gusta. O neno empeza a chorar e a dicir que lle quere, pero Santiago non lle cre e sóltalle unha frase sorprendente, que ningún pai do mundo diría xamais…

RECOMENDACIÓNS CINEMATOGRÁFICAS PARA ESTE MES

GRAN TORINO Dirección: Clint Eastwood      2008

Reparto: Clint Eastwood, Bee Vang, Ahney Her, Christopher Carley, John Carroll Lynch

Sinopsis: Walt é un ancián groseiro, duro e chapado á antiga. Tras a morte da súa esposa e o pasotismo por parte da súa propia familia, a personalidade de Walt agréase aínda máis se cabe. Para completar o seu resentimento, o seu barrio parece estar infestado de coreanos, xente á que combateu na guerra anos atrás e á que ve como uns bárbaros. O único alivio para Walt é o seu Gran Torino, un coche lendario que coida con extremo agarimo. O intento de roubo do coche por parte dun dos seus veciños orientais, cambiará a vida de Walt para sempre.

THE VISITOR Dirección: Thomas McCarthy      2007

Reparto: Richard Jenkins, Haaz Sleiman, Danai Jekesai Gurira

Sinopsis: Walter Vale, de sesenta e dous anos, camiña como sonámbulo pola súa propia vida. Perdida a súa paixón por ensinar e escribir, enche o seu baleiro existencial intentando infrutuosamente aprender a tocar o piano clásico. Cando a súa universidade envíalle a Manhattan para asistir a unha conferencia, Walter queda sorprendido ao descubrir que unha moza parella instalouse no seu apartamento. Vítimas dunha estafa inmobiliaria, Tarek, de nacionalidade siria, e Zainab, a súa noiva senegalesa, non teñen onde ir. Na primeira dunha serie de probas para o seu corazón, Walter permite de mala gana que a parella quede con el.

BIENVENIDO MR. CHANCE       Dirección: Hal Ashbi 1979

Reparto: Peter Sellers, Shirley MacLaine, Melvyn Douglas

Sinopsis: Logo de publicar a novela Benvido Mr. Chance, o seu autor Jerzy Kosinski recibiu un telegrama moi curioso no que alguén que se facía pasar polo personaxe protagonista de xardineiro Chance, escribía: “Estou dispoñible dentro ou fóra do meu xardín”. Engadíase un número de teléfono e Kosinski marcouno. Alén da liña contestou a voz de Peter Sellers. Foi loxicamente este lendario actor o que finalmente protagonizou a película nunha das máis memorables interpretacións da súa carreira que lle supuxo un Nomeamento ao Óscar ao Mellor Actor. Desde a primeira escena, a película consegue o noso sorriso e progresivamente a nosa complicidade a medida que nos relata a meteórica ascensión ás altas esferas da política americana dun pobre infeliz que só sabe de xardinería e do que ve na televisión.

UP Dirección: Pete Docter, Bob Peterson     2009

Animación

Sinopsis: “Up” conta a historia dun vendedor de globos de 78 anos, Carl Fredricksen, quen finamente consegue levar a cabo o soño da súa vida ao enganchar miles de globos á súa casa e saír voando rumbo a América do Sur. Pero descobre demasiado tarde que a maior dos seus pesadelos embarcouse tamén na viaxe: un explorador da xungla chamado Russell, que ten 8 anos e un optimismo a proba de bombas.

EL SUR            Dirección: Víctor Erice  1983

Reparto: Omero Antonutti, Sonsoles Aranguren, Icíar Bollaín, Lola Cardona

Sinopsis: Baseada nun relato curto de Adelaida García Morais, relata a historia de Agustín, un médico e zahorí que é capaz de descubrir co seu péndulo onde está a auga, desde a súa chegada a unha cidade do Norte coa súa muller Julia, mestra represaliada, e a súa filla Estrela aloxándose nunha casa chamada “A gaivota”. A historia desenvólvese na España dos anos 50 durante a nenez e a adolescencia de Estrela, narrando a poderosa atracción que exerce sobre ela a figura do seu pai e os segredos do pasado que desexa ansiosamente descubrir.