Arquivos mensuais: Maio 2014
O Mar de Culturas
Para calquera persoa que emigra do seu país para instalarse en España, no meu caso en Galicia, os primeiros contactos coa sociedade soen ser duros, sobre todo, no caso de que existan grandes diferenzas culturais.
Neste curso e grazas a oportunidade que me ofreceu a profesora de Relixión e Moral Católica, de explicar a Relixión e a Cultura Islámica nas clases de primeiro da ESO. Supuso persoalmente para mín, un novo camiño de integración dentro dunha Sociedade con diferenzas culturais e romper dalgún xeito coa imaxe que se ten do mundo islámico e da súa relixión.
A mellor forma de que un nen@ entenda e aprecie a diversidade é que a vexa cos seus propios ollos.
O coñecemento sobre a cultura, a relixión, os valores que viven nun país é unha boa receita para facilitar esa integración. Desprendernos dos estereotipos é o primeiro ingrediente que debemos empregar. Se non facemos isto, todo o que aprendamos estará condicionado por unha imaxe falsa da realidade.
A diversidade de culturas e relixións enriquécenos. A raíz desta experiencia decidín asistir ás clases de Relixión, para aprender e afondar non só nos valores morais da Relixión Cristiá, senon doutras relixións que se imparten.
“Aos crentes de todas as relixións que defenden a
liberdade e a dignidade do ser humano por enriba
de calquera ideoloxía”.
Wahmid, Imane 4ºC ESO
Arquivado en Actividades Lendo a mares
Biblioteca Leliadoura 