Reunión do Club de Lectura Leriadouro: “O escarabello de ouro”

No Club de Lectura hai sobre 50 alumnos e alumnas, e reunímonos polo tanto en dúas xornadas. A primeira foi o luns 24 e a segunda o mércores 26 de xaneiro.

Aquí podemos ver algúns dos carteis onde se anunciou o evento.

Comemos todos xuntos na biblioteca que se convertiu nun bonito comedor durante media hora.Comentamos curiosidades sobre o libro, opinións, prantexáronse cuestións decididas previamente en cada grupo nos que se separou o alumnado,  foron respondidas por outros grupos e comentadas entre todos.

Pero como no libro, o escarabello de ouro axudou a que soubésemos dun tesouro que teriamos que buscar.

Para elo deberiamos previamente descifrar uns criptogramas que nos levarían a uns escarabellos de ouro escondidos entre algúns libros.

 

 

 

 

 

 

 

 

 

 

 

 

 

 

Os escarabellos xa deixaban entrever que nos atopábamos perto do tesouro.

 

 

 

 

Como así foi.

 

 

 

 

 

 

 

Estabamos ávidos de “riquezas”!!!

 

Esperámosvos para a próximas reunións coa lectura de “As viaxes do Príncipe Azul” de Darío Xohán Cabana”. Haberá moitas sorpresas.

II Desafío Matemático

Comeza o II Desafío Matemático no IES Leliadoura. Organizado polo Departamento de Matemáticas.

Consulta as Bases: DM-Bases

Probas da 1ª Xornada:

1. DM-X1-01
2. DM-X1-02
3. DM-X1-03

O Galeoke – O karaoke en galego

O Galegoke é un xogo de karaoke onde acumulas puntos emulando o cantar dos teus artistas galegos favoritos, sempre coas cancións orixinais. Podes xogar en modo individual ou en modo festa, competindo por roldas cos teus amigos e amigas . Aquí atoparás información sobre o proxecto, novas e eventos que se realizarán, así como o software e temas extras.

O volume I está á venda por 19,95 € en diferentes puntos de venda.

Cooperativismo en Santiago

Hoxe, martes 18 de xaneiro, un autobús con alumnos e alumnas de ciclos formativos do IES Leliadoura saíu con destino Santiago de Compostela para realizar diferentes actividades:

• Por un lado, alumnado de 2º curso dos Ciclos Superiores de Administración e Finanzas (AF2) e Administración de Sistemas Informáticos (ASI2), acompañados polos profesores Carlos Llanes e Óscar Núñez, visitaron tres cooperativas (Toldos Compostela, Cidadania, Equisol). Nas súas instalacións recibiron explicacións dos socios traballadores sobre cómo xurdiron as ideas, que trámites deberon realizar para constituilas cooperativas, que dificultades se atoparon e cales son as ventaxas e características xerais deste tipo de empresas.
• Por outra banda, alumnado do Ciclo Medio Xestión Administrativa (XA), acompañados polas profesoras Mónica Montero e Teresa Delgado, tiveron a oportunidade de visitar a Cidade da Cultura, no monte Gaiás, para logo facer un recorrido polo casco vello de Compostela, onde visitaron unha exposición de arte contemporánea na Fundación Caixa Galicia.

Deixámosvos cun vídeo con algunhas imaxes da visita:

Comeza o LOA!

O próximo xoves 20 de xaneiro botará a andar o LOA (Leliadoura Obradoiro Audiovisual), organizado pola Biblioteca do IES Leliadoura e o grupo Rodaxe.

As actividades darán comezo cunha reunión de presentación na Biblioteca do IES Leliadoura convocada para as 11:30, durante o recreo do instituto.

Nesa reunión explicarase o funcionamento xeral do obradoiro, a forma de organizarse, algunhas das actividades que se levarán a cabo, os recursos que se empregarán. Ademáis a reunión servirá tamén para que todas as persoas interesadas, tanto alumnado como profesorado, nos poidamos coñecer.

Xa o sabes, se estás interesad@ preséntate o próximo xoves na Biblioteca. Anima tamén aos teus compañeiros e compañeiras.

Para facilitar as futuras comunicacións podes ir enchendo o sinxelo formulario de inscrición.

Para resolver calquera dúbida ou consulta diríxete ao profesor que coodina o proxecto: Óscar Núñez Aguado (aguado@edu.xunta.es)

ou deixa un comentario neste blog.

Campionato de Futbolín Aprazado!!

Por diversos motivos, entre eles acadar unha maior participación e unha mellor organización do campionato, aprázase o inicio do mesmo ata o luns 31 de Xaneiro.

O prazo de inscrición manterase aberto ata o xoves 27. Tamén podes consultar a lista de equipos xa inscritos. As bases do campionato seguirán sendo as mesmas.

Para máis información escribe a futbolin@leliadoura.com.es

Aínda te podes anotar!

Detrás da Canción – Obradoiro Musical

Como se compón unha canción de pop? Como se poden aproveitar as novas tecnoloxías para gravala e compartila co resto do mundo? A estas cuestións responde a actividade ‘Detrás da canción‘, na que integrantes dos grupos galegos Projecto Mourente e The Homens dan a coñecer a trastenda do proceso creativo.

Anótate xa ao curso de música caseira, con Projecto Mourente.

As novas tecnoloxías permiten que calquera persoa se converta en produtor musical sen saír da casa. Este curso, que se imparte en dúas sesións de 50 minutos de duración cada unha, permitirá aos asistentes coñecer algunhas das ferramentas básicas para gravar unha peza  nun ordenador convencional e posteriormente publicala en Internet. Consulta na seguinte táboa cando e onde é o seguinte curso:

Data	Localidade	Hora	Lugar
21/01/2011	Tui	18:00	Telecentro-Área Panorámica
22/01/2011	Padrón	18:00	Telecentro-Centro Social
23/01/2011	Marín	18:00	Telecentro-Biblioteca
04/02/2011	Santiago de Compostela	18:00	Telecentro – Facultade de Ciencias da Información
05/02/2011	Ribeira	18:00	Telecentro – Confraría de Pescadores
06/02/2011	Negreira	18:00	Telecentro – Casa da Cultura
11/02/2011	Vilagarcía de Arousa	18:00	Telecentro – Obradoiro Municipal de Emprego
12/02/2011	Boiro	18:00	Telecentro – Centro Sociocultural
13/02/2011	Muros	18:00	Telecentro
25/02/2011	Vigo	18:00	Telecentro

REUNIÓNS DO CLUB DE LECTURA LERIADOURO

As reunións do Club de Lectura para comentar “O escarabello de ouro” e a obra de Poe en xeral, quedan do seguinte xeito:

– o luns 24 de xaneiro o alumnado de 2º, 3º e 4º de ESO

– o mércores 26 de xaneiro o alumnado de 1º ESO

 

 

PROGRAMACIÓN DO CLUB DE LECTURA COMÚN PARA O SEGUNDO TRIMESTRE

Polo de agora vou denominar así ao Club de lectura que xa leva funcionando dende o curso pasado, en conxunto cos outros dous institutos, ANPAs e calquera persoa que lle apeteza(que son moitas), e que nos reunimos unha vez ao mes na sede do Ateneo Valle-Inclán (bar Plaza). Polo de agora non ten nome propio, polo que agora denominareino como Club de Lectura Común, para distinguilo do Club de Lectura Leriadouro, que é o que se desenrola no centro.

Para o segundo trimestre do curso, ou sexa para o primeiro deste ano 2011, temos xa concretados dous títulos. Estes son:

EL CORAZÓN DE LAS TINIEBLAS de  Joseph Conrad

A través dun personaxe ficticio (o vello mariñeiro Marlow), Conrad describe unha travesía polo río Congo en busca do señor Kurtz que é o xefe dunha explotación de marfil. O encontro con Kurtz, será a confirmación da hipócrita actitude colonialista e pon en cuestión o seu carácter de cruzada moral e comercial.
Esta viaxe real e metafórico en busca de Kurtz servirá a Marlow e a nós mesmos para explorar no interior da alma humana, reflexionar sobre a corrupción natural do home, a tolemia do poder, a confrontación entre o ben e o mal, e o significado moral da explotación colonial, grazas á excelente definición psicolóxica e ambiental de Conrad, quen impregna a novela dun ton sombrío cunha rica e lóbrega imaxinería.

Traducido tamén ao galego cos títulos:  CORAZÓN DA ESCURIDADE e O CORAZÓN DO NEGROR

A REUNIÓN PARA FALAR DO LIBRO SERÁ O XOVES 20 DE XANEIRO ÁS 20:30, NA SEDE DO ATENEO VALLE-INCLÁN (BAR PLAZA, PISO SUPERIOR)

Aproveitando esta lectura, sería recomendable ver a película Apocalypse Now, dirixida por Francis Ford  Coppola en 1979, cuxo guión está baseado nesta novela aínda que trasladando a acción á invasión estadounidense de Vietnam. (Tamén a temos na biblioteca)

O libro para o mes de febreiro será RIÑA DE GATOS de Eduardo Mendoza

Un inglés chamado Anthony Whitelands chega a bordo dun tren ao Madrid convulso da primavera de 1936. Deberá autenticar un cadro descoñecido, pertencente a un amigo de José Antonio Primo de Rivera, cuxo valor económico pode resultar determinante para favorecer un cambio político crucial na Historia de España. Turbulentos amores con mulleres de distintas clases sociais distraen ao crítico de arte sen darlle tempo a calibrar como se van multiplicando os seus perseguidores: policías, diplomáticos, políticos e espías, nunha atmosfera de conspiración e de algarada.
Os excepcionais dotes narrativos de Eduardo Mendoza combinan á perfección a gravidade dos sucesos narrados coa presenza, moi sutil, do seu coñecido sentido do humor, xa que toda traxedia é tamén parte da comedia humana.
A REUNIÓN PARA FALAR DO LIBRO SERÁ O XOVES 24  DE FEBREIRO TAMÉN ÁS 20:30