Club de lectura de Ribeira

Bo día!

Hoxe queremos informarvos non de nós, senón dos nos@s compañeir@s do club de lectura para adultos que vén funcionando en Ribeira desde hai uns anos.

A nova é que o vindeiro martes 3 de decembro vai estar con el@s o escritor Xosé Monteagudo para falarlles da súa obra “TODO CANTO FOMOS“.

A xuntanza farana, coma sempre, no Ateneo Valle Inclán, do Bar Plaza a partires das 20:30.

Desde aquí queremos mandarlles os nosos parabéns por levar a cabo esta iniciativa de fomento da lectura a animalos a seguir moitos anos máis.

Unha aperta para os nos@s amigos do club de lectura de adultos!!!

25 novembro contra a violencia machista

Ola!

Estamos preparando as actividades que imos desenvolver ao redor do 25 de novembro, data na que concentramos todos os esforzos na loita contra a violencia de xénero, pero loita que temos que levar a cabo todos os outros días do ano.

Para contribuír ás múltiples actividades que imos desenvolver no noso centro, a equipa de biblioteca estamos preparando tamén unha exposición cos nosos fondos bibliográficos e multimedia que tratan sobre o tema.

Ademais o Club Leriadouro tamén vai adicar a xuntanza deste mes, que xusto coincide co día 25, para facer lecturas conxuntas, debates e ver unha curta relacionada coa loita contra a violencia machista. Podes ver unha información máis detallada sobre o que teñen previsto @s Leriadour@s pinchando neste enlace .

Desde este blog tamén iremos detallando e contándovos todas as actividades que vaiamos programando e desenvolvendo.

SAMAÍN LELIADOURO

Que tal vos foi na noite do Samaín?

Seguro que tedes algo terrorífico que contar

Nós tamén. Non ía ser menos.

Coma todos os anos organizamos actividades para conmemorar estas datas tan terrorificamente especiais.

Na biblio fixemos unha exposición de libros e contos de medo. Por alí andan Stephen King, Allan Poe, Lovecraft e moitos outros. Se non a vistes aínda podedes achegarvos estes días. Iso si, só para os máis valentes!!!!

Ademais, xunto co equip de Normalización, montamos na entrada principal unha exposición coas cabazas feitas polo alumnado que quixo sumarse a este “concurso” para ver que facía a máis terrorificamente orixinal.

Por se alguén non as viu aquí vos deixamos fotos de todo.

Ídelo pasar de medo véndoas!!!