Rafting no río Ulla

Hoxe, xoves 31 de marzo, alumnos do IES Leliadoura (2º e 3º da ESO e PCPI) participaron nunha actividade de rafting no río Ulla. No descenso do río e, alternando entre rápidos e augas máis tranquilas, houbo chapuzóns, saltos e mesmo abordaxes, pero sobre todo moita diversión. O sol acompañou neste día primaveral e, unha vez fora do río, o grupo parou a comer en Padrón antes de voltar de novo a Ribeira.

Rafting no río Ulla

A actividade, contratada coa empresa Arrepións, foi organizada polo profesor de educación física Manolo Axeitos, ao que acompañaron os tamén profes Alicia Rodríguez, Óscar Núñez e Jeremy Dickinson.

A Capela Sixtina

Preme na imaxe para ver a Capela Sistina en 3 dimensións!

Saída ao Iroite

O pasado xoves 28 de outubro, máis de 120 rapaces do IES Leliadoura, embarcados en 3 autobuses, fixeron unha saída ao monte Iroite para participar en dúas actividades en plena natureza:

• Uns 50 rapaces e rapazas de 3º da ESO fixeron unha ruta de sendeirismo arredor do complexo militar situado no cima do monte. Organizados en grupos, cada un co seu capitán ou capitana, aprenderon a orientarse utilizando un compás e un mapa da zona.
• O resto do grupo, matriculados no Programa de Cualificación Profesional Inicial (PCPI) andiveron á procura de setas e aprenderon de forma práctica a recoñecer as súas partes, os seus nomes e o xeito correcto de recolectalas sen dañalas.

O bo tempo acompañou a xornada e todos puideron gozar dunha boa temperatura, sol e magníficas vistas nunha xornada para repetir.

ÁLBUM DE FOTOS

SENDEIRISMO. RUTA EN Google Maps

SENDEIRISMO. ACTIVIDADES

SENDEIRISMO. Clasificaçom Grupos

SETAS. GRAFICOS

SETAS. MORFOLOXIA

SETAS. FICHA CLASIFICACIÓN