Arquivos mensuais: Decembro 2013

Recomendacións para as vacacións de nadal

Temos o instituto con varias exposicións de lecturas recomendadas durante todo o curso. Cada mes máis ou menos imos cambiando os libros para que vos fagades unha idea do material co que contamos na nosa biblioteca e polo tanto de material do que podemos dispoñer.

Por unha banda temos a de LENDO A MARES, con literatura que trata do mar ou novelas que se desenvolven nel.

Como pequena mostra:

Mar, la mar2Destacamos libros de aventuras clásicas como A illa do tesouro, Moby Dick, 20 000 leguas de viaxe submarino, Capitanes intrépidos, etc. Libros de poesía como Marinero en tierra de Alberti, libros deaventuras ao estilo de Verne como La isla de Bowes de César Mallorquí, Cuentos y leyendas del mar, recopilación feita por Vicente Muñoz Puelles; cómics como os de Tintín ou outros máisactuais como El diablo de los 7 mares. Non podemos esquecernos de libros galegos como Se o vello Sinbad volvese ás illas, De profundis, Acordes náufragos….E tamén libros de ciencias sobre o mar, libros paratodas as idades como Nadarín, etc.

En inglés temos adaptacións dos clásicos , como e ademais temos a colección dos libros  Life in the deep blue de Fina Mosquera Roel, 6  libriños que son unha proposta de novedosos materiais alternativos para o Coñecemento do Medio onde están  presentes temas transversais como o medio ambiente e o consumo responsable.

la_vida_en_la_mar_detalleOutra das exposicións que temos é a de DESCUBRE A NOSA BIBLIOTECA que está situada xusto en fronte da sala de profesores. Está pensada para toda a comunidade escolar, pero dun xeito especial para os pais e nais. Como a sala de titoría está ao lado do andel, temos bastantes libros de pedagoxía, técnicas de estudo, revistas e libros para todas as idades.

Como pequena mostra:

Descubre1E por último recordar que na biblioteca hai varios paneis coas NOVIDADES que van chegando.

Vou dividir estas novidades en dous grupos:

Un para os máis xóvenes

Xuvenil1

coas  últimas aventuras de Astérix e Obelix, esta vez cos Pictos, un clásico da literatura xuvenil como O xogo de Ender, …..

e outro para os lectores máis experimentados:

todos1Para os que gusten da novela negra temos Bícame,  Frank , de Miguel Anxo Fernández,  quinto libro da saga protagonizada polo detective Frank Soutelo, un detective americano de ascendencia galega que nesta obra desenvolve as súas pesquisas polas Rías Baixas. Como amante do xénero negro, recomendo tamén a lectura do primeiro título sobre esta personaxe: Un nicho para Marilyn, que esta vez se desenvolve en América.

Seguindo co xénero negro, temos La verdad sobre el caso Harry Quebert, thriller de moda do xoven escrtor suízo Joël Dicker, e tamén do mesmo xénero pero esta vez en cómic, a versión do primeiro libro da saga Millenium. Saíndo deste xénero pero tamén novidades non só na biblioteca senón tamén en librerías temos os últimos libros de Mario Vargas Llosa, El héroe discreto; de Julia Navarro,  Dispara, yo ya estoy muerto; Acordes náufragos do noso admirado Antón Riveiro Coello; Vento e chuvia, libro de mitoloxía galega de Manuel Gago, apoiado ilustracións de Manel Cráneo; Faneca Brava de Manuel Portas; Los Simpson y las matemáticas principalmente recomendado para os amantes desta famosa serie e cun certo nivel no mundo dos números. Pero aínda que nós temos esta pequena mostra de recomendacións, non está de máis recordar que non é tan fácil ler nin ter acceso aos libros segundo onde vivas, e incluso peor se eres muller. Recomendamos a novela Leer Lolita en Teherán de Azar Nafisi, baseada na súa propia experiencia como profesora de literatura inglesa na universidade de Teherán, e tamén a biografía de Malala, exemplo de  activista pola educación: “Los talibanes podrían arrebatarnos los bolígrafos y los libros, pero no podrían impedir que nuestras mentes pensaran” “Un libro, un lápiz y una escuela pueden cambiar el mundo”.

Advertisements

1 comentario

Arquivado en Recomendacións

Lectura de decembro do club de lectura común

No mes de decembro adiantamos a data de reunión do club para o vindeiro mércores día 18 de decembro, pero igual á mesma hora, 20:30, e no lugar de sempre, sede do Ateneo Valle-Inclán (bar Plaza).

A obra que imos comentar é Feminismos, de María Reimóndez e Olga Castro.

feminismos-9788499145006

Feminismos, de Olga Castro e María Reimóndez, é unha guía de viaxe a través da cartografía dos feminismos que responde á rica biodiversidade real dos feminismos no mundo e tamén en Galicia. Con vontade divulgativa, este libro dá conta do movemento social que máis cambiou as estruturas sociais para mellorar a vida das persoas, producindo a teoría e a práctica máis plural e transformadora. Desde ese espírito enciclopédico que se dirixe a un amplo público non especialista, Feminismos presenta as achegas e os logros dos movementos feministas na mellora das sociedades en todo o mundo. En palabras da autora do limiar, Belén Martín Lucas, da man de Castro e Reimóndez coñecemos «o traballo dos colectivos de mulleres, pensadoras e artistas, desde Galicia a Xapón, pasando polas repúblicas da antiga Unión Soviética, China, India ou África subsahariana, por mencionar algunhas das áreas incluídas. Este mapa dos feminismos na xeografía e a historia pon de manifesto a gran diversidade de estratexias contra a discriminación por xénero desenvolvidas en contextos culturais, políticos e sociais concretos». Poñendo de manifesto a mención especial que merece a sección dedicada aos feminismos en Galicia, a profesora Belén Martín Lucas conclúe asegurando que «as reflexións de Castro e Reimóndez convídannos a examinar o noso etnocentrismo para decatármonos das contribucións coas que as activistas e pensadoras doutras culturas melloran o noso mundo, á vez que tamén poñen en valor as teorías e prácticas feministas xeralmente excluídas dos manuais do feminismo, as cales tenden a limitarse ao occidental (europeo e norteamericano case sen excepción)».

Deixar un comentario

Arquivado en Club de lectura 2016-2017

Abtu y Anet

Según la mitlología de los egipcios, Abtu y Anet son dos peces idénticos y sagrados que van nadando ante la nave de Ra, dios del sol, para advertirlo contra cualquier peligro. Durante el día, la nave viaja por el cielo, del naciente al poniente; durante la noche, bajo tierra, en dirección inversa.

J.L.Borges,  El libro de los seres imaginarios

Abtu y Anet

Deixar un comentario

Arquivado en Actividades

Atención Leriadouros

A próxima reunión do club de lectura será á volta das vacacións de nadal.

Xa vos avisaremos  e publicaremos as datas máis adiante pero andarán polos luns 13 e 20 de xaneiro.

Recordade que a lectura deste mes é A illa do tesouro e que a podedes ler tanto en galego como en castelá.

Treasure-island-map

Vide xa a coller os libros que se acaban!

Deixar un comentario

Arquivado en Club de lectura LERIADOURO